Manamnama nga umabot iti record-high a $108 billion ti exports ti Pilipinas ita a tawen, gapu iti agtultuloy a napigsa a demand para kadagiti electronic product, segun iti Philippine Exporters Confederation Inc. (Philexport).
Maibasar iti record ti Philippine Statistics Authority, ngimmato iti 17 percent wenno $73.95 bilion ti exports manipud Enero agingga Setyembre, idinto a ngimmato met iti 36 percent wenno $9.87 bilion ti exports idi Setyembre.
Nupay kasta, pinasingkedan ni Philexport president Sergio Ortiz-Luis Jr. a maud-udi latta ti Pilipinas kadagiti kabangibang a pagilian iti pakabuklan a gatad ti exports gapu iti nangato a production costs, kinakurang iti imprastraktura ken limitado a kabaelan iti pannakikompetensia.
Kabayatanna, Impasigurado ti Department of Trade and Industry a tulonganda latta dagiti lokal a negosio a makastrek iti world market ken makasapul iti gangannaet nga aggatang.
