Nagballaag ti Philippine National Police (PNP) ti publiko kontra iti holiday scams ken dadduma pay a klase ti kriminalidad bayat nga umas-asideg ti holiday season.
Segun kenni PNP Chief Police Brig. Gen. Jose Melencio Nartatez Jr., agtalinaed nga alerto ti publiko gapu ta mabalin a gundawayan dagiti adda dakes a panggepna ti kaadu ti tao ita a panawen ti bakasion.
Binalakadan dagiti pulis dagiti umili a siguradoenda a lehitimo dagiti travel agencies ken bakasion booking sakbay nga ited ti aniaman a bayad, ken liklikan ti panangibingay iti personal ken pinansial nga impormasion kadagiti di am-ammo nga indibidual.
Inallukoy pay ti PNP iti publiko a dagus nga Ireport iti emergency hotline 911 ti aniaman a mapagduduaan nga aktibidad tapno saan nga agbalin a biktima ti krimen.
