Binabalaw ni Senador Risa Hontiveros ti rigat a napasaran ti adu a Pilipino iti pananggun-od iti valid identification cards (ID) gapu iti nainget a proseso ken kasapulan a dokumento.
Kuestionaran ti senador ti kasla saan a patas a sistema a marigatan dagiti ordinario nga umili a makagun-od iti opisial a pakabigbigan idinto a dadduma nga indibidual ti mapapati a makagun-od kadagiti mapagduaduaan a dokumento.
Indagadag ni Hontiveros iti gobierno a repasuen ken pasayaaten ti sistema ti panangipaulog ken panangberipika kadagiti opisial a dokumento tapno malapdan ti iregularidad ken saan nga umiso a pannakausar dagitoy.
Inawagan pay ti senador iti naparpartak, naannayas ken nalinteg a panagserbi dagiti ahensia ti gobierno tapno saanen a marigatan dagiti Pilipino a mangala iti valid ID-da.
