Impasigurado ti Armed Forces of the Philippines (AFP) nga agtultuloy ti panangbantayda iti West Philippine Sea tapno masalakniban ti teritorio ken soberano ti pagilian kontra iti gandat ti China a mangtagikua iti daytoy.
Segun kenni Rear Admiral Roy Vincent Trinidad, spokesperson ti AFP iti West Philippine Sea, agtultuloy ti panangmonitorda iti aktibidad dagiti barko ti China tapno maammuanda dagiti posible a panaglabsing iti karbengan ti Pilipinas.
Nagtultuloy met ti panagpatrolia ti militar babaen ti panangusar kadagiti barko ken eroplano iti laksid ti kaadda ti adu a barko ti China iti sumagmamano a paset ti baybay.
Impasigurado ti AFP nga agtalinaed a nakasagana a mangidepensa iti nasional a teritorio ken mangsalaknib iti karbengan ti Pilipinas iti West Philippine Sea.
