--Ads--
Pinasingkedan ti Department of Migrant Workers (DMW) ti ipapatay ti maysa a Filipino seafarer kalpasan ti panagbettak ti oil products tanker a MT Velos Sapphire iti Persian Gulf.
Segun iti DMW, natalged ken saan a nadangran ti 21 pay a Filipino crew members a naglugan iti barko nga agturong idiay Sitrah, Bahrain.
Im-imbestigaran pay laeng dagiti otoridad ti makagapu iti panagbettak, nga immuna a naipadamag a gapuanan ti panangraut ti drone ngem saan pay a naberipika.
Makikoordinar ti DMW iti shipowner ken manning agency tapno masigurado ti pannakaipaay ti tulong ken suporta iti natayan a pamilia ti pimmusay a marino.
-- ADVERTISEMENT --
