--Ads--
Naisublin ditoy Pilipinas ti bangkay ti OFW a natay kalpasan a natamaan ti drone attack iti Saudi Aramco Shaybah oilfield idi Oktubre 21.
Pinasangbay ti Department of Migrant Workers (DMW) ken Overseas Workers Welfare Administration (OWWA)ti pamilia ti biktima ken inyebkasda ti pannakiladingitda.
Inyurnos ti employer, babaen ti tulong dagiti opisial ti Pilipinas ken Saudi Arabia ti pannakaisubli ti bangkay, kasta met ti sueldo ti OFW, end-of-service benefits ken dadduma pay a labor entitlements.
Nangipaay ti DMW ken OWWA iti pinansial a tulong, burial assistance ken educational support para kadagiti annak ti pimmusay nga OFW.
-- ADVERTISEMENT --
