Indagadag ni Department of Education (DepEd) Secretary Sonny Angara kadagiti kompania ti teknolohia ken social media nga iing-ingetda ti age verification ken ikkatenda ti online content a mangitampok iti kinaranggas ken mangparegta kadagiti agtutubo a makikadua kadagiti extremist groups.
Nangbukel ti DepEd iti task force iti Department of Information and Communications Technology (DICT) ken iti Cybercrime Investigation and Coordinating Center (CICC) tapno mamonitor dagiti pangta kadagiti estudyante online.
Baban ti pannakitinnulong ti Department of the Interior and Local Government (DILG) napapigsa pay ti seguridad kadagiti pagadalan babaen ti panangideploy kadagiti barangay officers ken panangpaadu police visibility.
Napalawa ti Kaagapay Program ken dadduma pay a gannuat ti pagadalan tapno maiwanwan dagiti nagannak ken estudyante kontra kadagiti pangta iti online, bullying, ken isyu ti salun-at ti panunot.
