Impasigurado ni PNP Chief Jose Melencio Nartatez a nakasagana ti pulisia nga addaan iti umdas a personnel, equipment ken pondo tapno masigurado ti seguridad para iti 49th ASEAN Summit sadiay Manila inton Nobiembre 16 agingga 18, 2026.
Segun kenni Nartatez, makitinnulong ti PNP kadagiti nadumaduma nga ahensia ti gobierno ken lokal a gobierno tapno masigurado ti kinatalged dagiti delegado, VIP ken dagiti lugar a pakaangayan ti summit.
Innayon pay ti hepe nga iti agdama ket dagiti laeng low-level threats ti monitorenda ken ideklarada ti maitutop nga alert status maibasar iti assessment ti sitwasion.
Pinainget pay ti National Capital Region Police Office (NCRPO) ti seguridad kadagiti hotel ken dadduma pay nga establisimiento a pagdagusan dagiti ganggannaet a delegado babaen ti naing-inget a panagpatrolia ken koordinasion kadagiti pribado nga ahensia ti seguridad.
