Mapapati a personal assistant ni Romualdez iti uneg ti pagbaludan, pinagkedkedan ni Remulla

Nainget a pinagkedkedan ni Ombudsman Jesus Crispin Remulla ti mapapati a personal assistant ni dati a House Speaker Martin Romualdez iti uneg ti New Quezon City Jail.

Impaganetget ni Remulla a saan a maipalubos ti kasta nga espesial a panangtrato kadagiti balud ken saan a mapalubosan no mapaneknekan ti impormasion.

Namakdaar pay ni Ombudsman a saan nga agduadua a mangikkat iti serbisio kadagiti opisial a napaneknekan a nairaman iti panangipaay iti espesial a pribilehio ken ni Romualdez.

Impakaammo ni Remulla dagiti plano a mangisayangkat iti sorpresa a panangsukimat kadagiti pagbaludan tapno maammuan dagiti iregularidad ken sungbatan dagiti opisial a nairaman.