Nagdesision ti Golden State Warriors center a ni Kristaps Porzingis a temporario nga umadayo iti professional basketball tapno ipangruna ti salun-atna kalpasan a saan a nakabaelan ti bagina ti panangrugi ti training para iti baro nga NBA season.
Iti statement nga inruarna, kinuna ti 7-foot-2 Latvian player a saan pay a nakasagana nga agay-ayam iti lebel a namnamaenna para iti bagina.
Ni Porzingis, a nagbalin a paset ti Boston Celtics a nagkampeon iti NBA idi 2024, ket datin a na-diagnose nga addaan iti postural orthostatic tachycardia syndrome (POTS) idi 2025, numan pay saanna a direkta a dinakamat ti rason ti desisionna.
Saanna met nga inwaragawag ti panagretirona ket kayatna ti makitinnulong iti Warriors management tapno makasapul iti mayataday a solusyon iti sitwasionna.
