--Ads--
Nagballaag ti Philippine National Police (PNP) iti publiko kontra iti peke a Facebook account a mangar-aramat iti nagan ken ladawan ni PNP Chief Police General Jose Melencio C. Nartatez Jr.
Inlawlawag ti ahensia a saan nga opisial wenno awtorisado ti nasao nga account ken saan a nasken a patien ti aniaman a mensahe, pammilin wenno transaksion nga ipatpatulodna.
Naallukoy pay ti publiko a saan a makikammayet, mangted ti personal nga impormasion wenno mangipatulod iti kuarta iti nasao nga account, ketdi ireport a dagus iti Facebook ken PNP Anti-Cybercrime Group.
Impasigurado met ti PNP a mangisayangkatda iti naan-anay a tignay kontra kadagiti responsible ken nabalakadan ti publiko a bantayan dagiti beripikado a social media account-na.
-- ADVERTISEMENT --
