Mangipaay ti Department of Education (DepEd) iti 231,725 a baro a laptop kadagiti mangisursuro iti pampubliko a pagadalan mangrugi inton Nobiembre 9, 2026.
Maipangruna dagiti saan pay a nakaawat iti laptop manipud gobierno wenno iti pagadalan.
Segun ken ni Education Secretary Sonny Angara, gagem ti programa a Laptops for Teachers a masigurado a mapan dagiti alikamen kadagiti mangisursuro nga agkasapulan tapno mapasayaat ti panagisuroda.
Karaman kadagiti priyoridad dagiti mangisursuro nga awan ti government-issued laptop-na, ICT coordinators ken EdTech champions, idinto a maikonsidera pay ti seniority wenno kapaot iti serbisyo iti panangpili kadagiti benepisyaryo.
Nabilin dagiti principal ken property custodian a kompletwen ti listaan dagiti umawat iti TALA platform sakbay wenno inton dumteng ti Nobyembre 15, 2026.
