Indauluan ni Presidente Ferdinand Marcos Jr. ti ceremonial flow ti umuna a natural gas manipud iti Malampaya Phase 4 project sadiay siudad ti Batangas.
Nainayon ti proyekto ti mapattapatta a 222 billion cubic feet a reserba ti natural a gas iti suplay ti pagilian kalpasan ti naballigi a pannakabarolina ken pannakasubok dagiti bubon ti Malampaya East-1 ken Camago-3.
Mangnamnama ti Presidente a makatulong ti kanayonan a suplay ti lokal a natural gas a mangparang-ay iti seguridad ti enerhia ti pagilian, mangkissay iti panagpannuray iti imported energy ken mangpatalged iti presio ti kuryente.
Segun iti Prime Energy, ti proyekto ket nakompleto lima a bulan sakbay ti eskediul ken kabaelanna ti mangpataud iti 31.46 bilion a kilowatt-hours a kuryente, nga umdas para iti 13.11 milion a sangakabbalayan iti makatawen, ket addaan iti agarup $1-B a capital investment.
