Nangirusat iti libre nga eye check-up ti Local Government Unit ti San Esteban, Ilocos Sur kas paset iti panangrambak iti maika-44 a panagkasangay ni Vice Mayor Ray Elaydo II.
Iti pannaki-uman ti Bombo Radyo Vigan ken ni Elaydo, kas maysa a na-diagnose iti cataract, maawatanna ti rigat a mapadpadasan dagiti adda parikutna iti panagkita isu a kayatna ti makatulong babaen iti nasao a programa.
Kunana a dagiti pasyente nga agkasapulan iti operasion ket mayendorso kadagiti maseknan.
Nakasagana met ti LGU a mangipaay iti tulong pinansial para iti panagpaoperada.
Malaksid dayta, adda ti 200 slot a nailatang para kadagiti umawat iti libre nga eyeglasses.
Inlawlawag ti bise mayor a nalimitaran pay laeng ti bilang dagiti benepisyaryo gapu iti kinakurang ti pondo.
