--Ads--
Dinutokan ni Presidente Ferdinand Marcos Jr ni Supreme Court Associate Justice Rodil Zalameda kas maika-28 a Chief Justice ti Pilipinas, segun iti Malacañang.
Sinukatanna ni Chief Justice Alexander Gesmundo a naituding nga agretiro iti tawenna a 70.
Impaganetget ni Communications Secretary Lino Cayetano ti nasurok tallo a dekada a kapadasan ni Zalameda iti sistema ti hustisia, manipud iti panagbalin a public prosecutor agingga iti panagserbina iti Court of Appeals ken Supreme Court.
Karaman kadagiti napateg a desision a sinuratna ti panang-acquit ken ni dati a First Lady Imelda Marcos iti pito a bilang ti graft ken ti historical ruling iti kaso a Deduro vs. Vinoya a nangtratar iti peggad ti red-tagging iti karbengan ti maysa nga indibidual.
-- ADVERTISEMENT --
