Posible a saan a maipatungpal dagiti walo a farm-to-market road projects kalpasan a nagbiddut ti coordinates-da iti proposed 2027 budget nga inaprubaran ti Kamara.
Segun ken ni DA Asec. U-Nichols Manalo, karaman dagitoy kadagiti proyekto a nairaman iti National Expenditure Program wenno NEP ken saan a budget insertions.
Agtultuloy met ti pananganag kadagiti dadduma a proyekto tapno maammuan no adda ti mapapati a biddut.
Nupay kasta, kinuna ni House Appropriations Committee vice-chair Arnie Fuentebella a saan pay a nalpas ti proseso ti budget approval isu a mai correct pay laeng ti Department of Agriculture dagiti coordinates tapno maipatungpal dagiti napateg a proyekto.
Napagsasaritaan pay iti hearing ti panagsagana ti gobierno para iti manamnama nga epekto ti El Niño, kangrunnaa ti koordinasion dagiti ahensia, transparency iti pannakausar ti pondo ken panangikeddeng iti kanayunan a kasapulan dagiti resources.
