Nakasaganan ti tulong ti gobierno kadagiti lugar a binigbig ti PAGASA a nakaro a maapektaran iti tikag mangrugi ita a Nobiembre.
Segun ken ni Palace Press Officer Atty. Claire Castro, karaman kadagiti naisagana ti suplay ti langis, agraman ti tulong manipud iti Department of Social Welfare and Development, National Irrigation Administration ken dagiti tulong para iti talon nga aggapu iti Department of Agriculture.
Adda pay tulong pinansial para kadagiti ganagan, bin-i, ken dadduma pay a kasapulan dagiti mannalon ken mangngalap.
Karaman kadagiti lugar a binigbig ti PAGASA a nakaro a maapektaran ti Super El Niño ti Albay, Camarines Norte, Camarines Sur ken dadduma pay a probinsia manipud iti Norte partikular iti Nueva Vizcaya ken Cagayan Valley.
Impasigurado ni Castro a pappapigsaen ti gobierno dagiti addang tapno masalwadan dagiti mannalon iti epekto ti Super El Niño.
