Nagkedked ni Dean Ralph Sarmiento nga agbalin a testigo para iti defense team ni Vice President Sara Duterte iti impeachment proceedings.
Segun ken ni Sarmiento, daytoy ket tapno mapagtalinaed ti kinawaya ken panagbalin a patas kadagiti paniriganna iti linteg.
Innayonna a nagkiddaw ti kampo ni Duterte iti testimoniana mainaig kadagiti constitutional opinionna ken legal nga imbingayna iti social media.
Gapu dayta, kiniddawna iti defense team nga ibabawi ti kiddawda para iti panangiparuar ti subpoena kenkuana wenno kiddawen ti pannakaibabawina no nairuaren ti impeachment court.
Maipalagip nga innaganan ti depensa ni Sarmiento kas umuna koma a testigo mainaig iti “legal and constitutional principles relevant to this impeachment case and on Article II” a nailanad iti naipila a Manifestation with Request for Subpoena Duces Tecum and Ad Testificandum.
