--Ads--
Inaprubaran ti Department of Labor and Employment (DOLE) ti panangipatungpal ti nayon a sweldo para kadagiti minimum wage earner idiay Western Visayas ken SOCCSKSARGEN.
Idiay Region VI, ngumato ti P40 agingga P45 ti inaldaw a sweldo dagiti mangmangged nga agbalin nga epektibo mangrugi inton Nobiembre 19, 2026.
Makaawat pay ti nayon a P500 iti binulan a minimum wage dagiti katulong wenno domestic workers iti intero a Western Visayas.
Kabayatanna, idiay Region XII ket manamnama ti kabuklan a P41 a nayon iti inaldaw a sweldo dagiti mangmangged iti pribado a sector a maited iti dua a tranches.
-- ADVERTISEMENT --
Maipatungpal ti umuna a tranche a P16 mangrugi inton Nobiembre 19 idinto a ti nabatbati a P25 ket agbalin nga epektibo inton Enero 1 inton sumaruno a tawen.
