Inlaksid ti International Criminal Court (ICC) Trial Chamber III ti kiddaw dagiti abogado dagiti biktima nga usarenda ti Tagalog iti paset ti panglukat a statement-da iti panangdengngeg ti kaso ni dati a Presidente Rodrigo Duterte.
Inlawlawag ni Presiding Judge Joanna Korner a mangpataud daytoy iti kanayonan a gastos ken komplikasion iti proseso gapu ta kasapulan dayta ti kanayonan a patarus, a maitunos iti pannakausar dagiti opisial a pagsasao ti korte.
Impapilit met ni Public Counsel for Victims Paolina Massidda a napateg a mangngeg dagiti biktima dagiti sarita nga ibingayda iti bukodda a lengguahe, ken 15 agingga 20 a minuto laeng ti mabusbos iti Tagalog.
Kabayatanna, saan a timmabuno ni Duterte iti maikalima a pre-trial conference kalpasan a pinatgan ti korte ti kiddaw ti depensana, idinto nga imbaga ti abogadona a mabalin met a mangted iti opening statement iti rugi ti panangdengngeg.
