Indagadag ni Philippine Animal Welfare Society (PAWS) Executive Director Atty. Anna Cabrera ti pannakaipatungpal dagiti nangatngato nga standard kadagiti pet crematorium tapno masigurado ti umiso a pannakataming ken pannakapuor dagiti taraken.
Insingasing ni Cabrera ti panagbalin a mandatory ti dokumentasion ken chain of custody tapno masigurado a dagiti dapo a maited kadagiti akinkukua ket manipud kadagiti tarakenda.
Inyebkasna pay ti simpatia kadagiti makinkukua iti taraken a nariribuk unay kalpasan a nakitada dagiti ladawan dagiti bangkay dagiti tarakenda a naikabil kadagiti plastik a bag imbes a nasayaat ti pannakapuorda.
Malaksid iti panangipila iti kaso ti estafa, innayona pay nga ikonsiderar pay ti PAWS ti panangsurot iti moral ken mapag-ulidanan a danyos gapu iti nakaro a mental a panagsagaba a mapaspasaran dagiti agtagikua iti taraken.
