--Ads--
Manamnama a pumaspas pay ti inflation wenno panagpangina ti presio dagiti magatang ken serbisio iti pagilian idi Oktubre, a posible nga umabot iti 7.6 percent manipud iti 7.2 percent idi Setyembre.
Maikonkonektar ti manamnama a panagpangato iti nangina a plete, singir iti koriente ken produkto petrolyo, kasta payen ti kimmapsut a piso a nangpangina kadagiti maangkat a produkto.
Nupay kasta, nakatulong met latta iti pananglapped iti nangatngato nga inflation ti limmaka a presio ti bagas, nateng, karne, ikan, itlog ken asukar.
Agduduma ti panirigan dagiti ekonomista no kaano a maragpat ti kangatwan nga inflation rate, idinto nga adda dagiti dadduma a nagballaag a mabalin a lumabes iti 8 percent iti Nobiembre.
-- ADVERTISEMENT --
