Natay dagiti amin a siam a naglugan iti maysa a private jet kalpasan a nagswek iti maysa a residential area asideg iti Cresthaven, Palm Beach County, Florida, USA.
Segun iti Federal Aviation Administration (FAA), ti nagswek nga eroplano ket maysa a Learjet 60 a naggapu iti Austin-Bergstrom International Airport idiay Texas a mapan koma iti North Eleuthera Airport idiay Bahamas.
Maibasar iti naala a dashcam video, napaspas ti panagswek ti eroplano sakbay a nagdisso iti kadagaan ken simmabog.
Inladawan ni US Transportation Secretary Sean Duffy ti insidente kas maysa a “horrific tragedy.”
Nangipatulod met iti team ti FAA tapno suportaran ti imbestigasion ti National Transportation Safety Board (NTSB), ken agtultuloy a madukduktalan ti pakabigbigan dagiti natay ken no adda dagiti agindeg a naapektaran iti lugar a nagswekan ti eroplano.
