--Ads--
Nasalamaan dagiti operatiba ti Philippine Drug Enforcement Agency (PDEA) ti nasurok uppat a kilo ti mapapati a marihuana iti delivery hub sadiay Barangay Bulanit, Labangan, Zamboanga del Sur.
Mapattapatta a 4.274 kilos ti mapapati nga iligal a droga nga aggatad iti P512,880 ti nakumpiskar manipud iti parsela a naglaon iti uppat a bloke ti napagango a a bulong.
Naisayangkat ti operasion babaen ti pannakitinnulong ti Special Enforcement Service K9 Unit tapno mausig ken mailasin ti linaon ti parsela.
Awan ti nakemmeg a suspek iti nasao nga operasion, bayat nga agtultuloy ti panangbigbig dagiti otoridad kadagiti tattao iti likudan ti naipatulod a pakete.
-- ADVERTISEMENT --
