Napateg ti panangpatalinaed ti ‘secrecy discipline’ iti panagsapul dagiti high-profile a target wenno panangiggem kadagiti sensitibo a kaso nga aktibo pay laeng a maim-imbestigaran, kalaksidan no kasapulan ti disinformation tapno maparruar ti target ken makemmeg daytoy, segun ken ni Senador Panfilo Ping Lacson.
Nagpalagip ti senador bayat nga agtultuloy ti panangsapul ti gobierno ken ni Senador Ronald Bato Dela Rosa, mano nga aldaw sakbay a nalpas ti maysa lawas a pawayway a naited tapno sumuko.
Nupay kasta, pinainget ti Philippine National Police ti panangsapul ken ni Dela Rosa kalpasan a limbes ti maysa lawas nga ultimatum nga inted kenkuana ni PNP chief Gen. Jose Melencio Nartatez Jr. tapno sumuko.
Immuna daytoy, impakaammo ni Interior Secretary Jonvic Remulla ti P50 milyon a reward para iti makaited ti impormasion iti pannakakemmeg ti senador.
