Immabot ti heat index iti danger level iti agarup 11 a lugar iti pagilian idi Domingo, Nobiembre 1, bayat nga agdudupudop dagiti pamilia kadagiti sementerio tapno sarungkaranda dagiti pimmanaw nga ay-ayatenda.
Coron, Palawan ti nangidaulo iti nairekord a temperatura a 44°C, sinaruno ti Catarman, Northern Samar ken Diplog, Zamboanga del Norte nga agpada a nakairekord iti 43°C, idinto a 42°C ti nairekord iti siam pay a lugar.
Segun iti PAGASA, posible ti heat cramps ken heat exhaustion iti daytoy a temperatura, idinto a ti napaut a pannakaisarang iti pudot ti init ket mabalin met nga agtungpal iti heat stroke.
Mabalakadan ti publiko nga uminum iti adu a danum, liklikan ti napaut a pannakaisarang iti init, agusar iti napresko a kawes, ken agtalinaed kadagiti nalinong ken naangep a lugar.
