Umabot iti 1,326,800 ti bilang dagiti bimmisita iti Manila North Cemetery agingga iti alas 7 iti rabii idi Nobiembre 1, nangatngato ngem iti agarup 1.2-M a nairekord idi napan a tawen.
Nayatiddug ti panangawat kadagiti bisita agingga iti alas 9 iti rabii gapu ta adu pay laeng ti sumangsangpet, nangruna dagiti naggapu kadagiti adayo a lugar, idinto ta awan ti nairekord a dadakkel nga insidente malaksid iti maysa a pannakadangran.
Nairekord met ti 16 nga ubbing a temporario a naisina kadagiti nagannakda ngem naisublida iti pamiliada, rason tapno maminsan manen a maipalagip iti publiko ti panangikabilda iti name tag wenno wrist tag kadagiti ubbing.
Agtultuloy nga umawat ti bisita ti sementerio ita a Nobiembre 2 mangrugi iti alas 5 iti bigat, ngem agtalinaed a maiparit a sumrek dagiti lugan.
