--Ads--
Awan ti aglako iti P20 kada kilo ti bagas iti salinong ti programa a “Benteng Bigas, Meron Na” inton Lunes, Nobiembre 2, kas pananglagip iti All Souls’ Day.
Maibasar iti pakaammo ti gobierno, maituloy ti panaglakwan iti sumaruno a regular schedule ti kada P20 Center.
Karaman kadagiti benepisyaryo iti programa ti senior citizens, persons with disabilities, solo parents, minimum wage earners, public transport workers, marigrigat a pamilia, ken dagiti rehistrado a mannalon ken mangngalap.
Manipud Enero agingga Setyembre ita a tawen, umabot iti P135.98 milion a kilo ti bagas ti nailako iti salinong ti programa a manamnama nga agtultuloy agingga Hunyo 2028.
-- ADVERTISEMENT --
