Binisita ni Presidente Ferdinand Marcos Jr. ti pimmusay nga amana a ni dati a Presidente Ferdinand Marcos Jr. iti Libingan ng mga Bayani idiay Taguig City, ita nga Undas.
Kadua ti Presidente ti inana a ni dati a First Lady Imelda Marcos ken kabsatna a ni Irene Marcos a nangpadayaw iti pimmusay nga ay-ayatenda iti biag.
Nangisagut pay ti Presidente iti sabong iti tanem dagiti pimmusay a miembro ti pamilia Aquino, agraman da dati a Presidente Corazon Aquino ken ni Benigno “Noynoy” Aquino III, kasta payen ti dati a senador a ni Ninoy Aquino iti Manila Memorial Park idiay Parañaque City.
Iti mensahena, impaganetget ni Marcos ti kinapateg ti pananglagip kadagiti pimmusay nga ay-ayaten iti biag babaen iti kararag ken agtultuloy ti panangisakitda kadagiti napanawan.
