--Ads--
Kinumpirmaran ti Philippine National Police (PNP) a nakaawatda ti tawag kalpasan ti panangirusatda iti hotline para iti alisto a pannakasapul ken ni Senador Ronald “Bato” Dela Rosa.
Segun ken ni PNP Deputy Chief for Administration Lt. Gen. Wilson Joseph Lopez, naannad a sukimaten ken paneknekanda ti tunggal impormasion a maawatda manipud iti publiko.
Nainget met ti panangbantayda iti posible nga ayan ti senador ken makikammayetda kadagiti nadumaduma nga ahensia, pakairamanan ti Armed Forces of the Philippines (AFP), tapno mapadaras ti pannakakammegna.
Iti laksid ti agtultuloy a manhunt operation, inallukoy ti PNP ti senador a boluntario a sumuko tapno maliklikan ti aniaman a posible nga engkwentro.
-- ADVERTISEMENT --
