Naituding a mangideploy ti France iti 70,000 a pulis iti intero a pagilian tapno masigurado ti seguridad bayat dagiti manamnama a protesta, kagiddan iti selebrasion ti Halloween.
Segun kenni Interior Minister Laurent Nunez, mapapigsa ti seguridad babaen ti panangikabil kadagiti armored vehicles ken water cannons tapno malapdan ti riribuk.
Malagip nga umabot iti 2,700 a tattao ti naaresto kadagiti napalabas a protesta mainaig iti panagngato ti presio dagiti tagilako ken ti gastos iti panagbiag, a nagresulta met iti riribuk iti sumagmamano a paset ti merkado.
Pinalubosan ti gobierno dagiti demonstrasion ngem saan kadagiti sentro ti siudad a mabalin a pagtaudan ti riribuk, bayat a ti baro a protesta ti Yellow Vest movement ket naikeddeng a mangisayangkat iti sabali a protesta iti National Assembly ken town halls iti intero a pagilian.
