Nakikaysa ti Department of Social Welfare and Development iti insayangkat ni Presidente Ferdinand Marcos Jr. a panangited ti tulong iti Persons Restored of Liberty.
Daytoy ket tapno tulungan a rugyan manen ti biagk da ken maibilang da manen iti komunidad kalpasan ti pannakawaya-waya da manipud iti pagbaludan.
Ti tulong a naipaay ket paset iti selebrasion ti maika-32nd a National Correctional Consciousness Week.
Iti nadakamat nga aktibidad, nasurok 200 a Persons Deprived of Liberty iti intero a pagilian ti naikkan ti gundaway a makarugi manen ti biag.
Mainaig daytoy, indauloan ni DSWD Undersecretary for Operations Monina Josefina Romualdez ti panangipaay ti cash assistance kaduana ni DSWD Field Office (FO) – National Capital Region (NCR) Regional Director Michael Joseph Lorico.
