--Ads--
Naibakwit kadagiti evacuation center dagiti residente nga agnanaed iti asideg ti Bulkan Mayon kalpasan a makapadas ti naingpis nga ashfall iti sumagmamano nga ili kasaruno ti “moderate explosive eruption”.
Segun ken ni Oscar Robert Cristobal, hepe ti Albay Public Safety and Emergency Management Office, manamnama a maibakwit ti 1, 131 a pamilia manipud idiay Tabaco City, Ligao City, ken dagiti ili ti Guinobatan, Camalig, Daraga ken Malilipot, partikular dagiti agnanaed iti uneg ti innem a kilometro ti Permanent Danger Zone.
Naka-standby met dagiti food pack ken lugan tapno napaspas ti panagbakwit dagiti residente.
Maipalagip a bimtak ti Mayon idi kalman no sadino umabot iti 3, 000 a metro ti kangato ti ano manipud iti tuktok ti Bulkan.
-- ADVERTISEMENT --
