--Ads--
Namnamaen ti Department of Agriculture (DA) a marikna dagiti konsyumer ti panagbaba ti presio ti karne kadagiti lokal a merkado inton Nobiembre wenno Disiembre.
Inaprobaran ni Presidente Ferdinand Marcos Jr. ti pannakaingato ti Minimum Access Volume ti imported corn manipud 220,000 metric tons agingga iti 500,000 metric tons.
Inlawlawag ni DA Spokesperson Asec. Arnel De Mesa a makatulong ti immadu a suplay ti mais a mangkissay ti gastos iti feeds, kangrunaan a rekado ti panagtaraken ti ayup.
Impasigurado ti DA a makatulong ti nasao nga addang tapno malapdan ti panagngato ti presio ti karne, masalakniban dagiti hog raisers ken dumakkel ti industria ti taraken iti pagilian.
-- ADVERTISEMENT --
