Idauluan ti Department of Agriculture ken Avante Agri-Products Philippines Inc. ti pannakaipatulod dagiti 50 metric tons wenno 32,000 a piraso ti presko a niog manipud Davao City a maipan Liberia iti West Africa para iti humanitarian project.
Aggatad dagiti niog iti 22,400 US dollars ken naipatulod babaen iti dua a refrigerated container ken maiwaras kas donasion kadagiti adayo a komunidad idiay Liberia tapno suportaran dagiti programa da a feeding program.
Malaksid dayta, tumulong pay daytoy kadagiti pamilia iti nasao nga pagilian.
Segun ken ni Agriculture Secretary Francisco Tiu Laurel Jr. gagem ti proyekto a maipakita ti kalidad dagiti produkto ti Pilipino iti sangalubongan a merkado ken masuportaran ti pagbiagan dagiti agimulmula iti niog.
