--Ads--
Dinayyeg ti magnitude 5.0 a gingined ti Glan, Saranggani ken kabangibangna a lugar idi bigat ti Miyerkules, Oktubre 28.
Segun iti PHIVOLCS, nairekord ti ginggined iti kauneg a 18 kilometro, a nagsentro iti kaadayo a 23 kilometro iti abagatan a daya ti Glan.
Narikna ti Intensity IV iti Sarangani ken Davao Occidental, idinto a narikna ti Intensity III iti General Santos City, Tupi iti South Cotabato, ken dagiti ili ti Glan, Alabel, Malungon ken Kiamba iti Sarangani.
Pinasingkedan ti PHIVOLCS a daytoy ket aftershock ti magnitude 7.8 a ginggined iti offshore Sarangani ken magnitude 6.5 a ginggined iti offshore Davao Occidental idi Hunyo 8.
-- ADVERTISEMENT --
Nabalakadan ti publiko nga agtalinaed nga alerto para iti posibilidad ti ad-adu pay nga aftershock.
