Nakasagana ti Senado nga agtrabago uray Paskua tapno masigurado a maipasa ken maratipikaran sakbay a malpas ti 2026 ti 2027 proposed national budget.
Segun ken ni Senate President Sherwin Gatchalian, nabiit laeng ti legislative calendar ta maigiddan iti deliberasion ti badyet ti impeachment trial ni Vice President Sara Duterte a maituloyto iti panagsubli ti session inton Nobyembre 9.
Posible a mangilatang ti Senado iti maysa agingga dua a lawas para iti budget debates sakbay nga agsubli iti impeachment trial ken maisayangkat ti bicameral conference tapno pagkaykaysaen ti agduma a bersion ti gakat ti Senado ken Kamara.
Iti baet ti posible a karit iti negosasion ken quorum, target latta ti Senado a maipasa ti national budget sakbay a malpas ti tawen tapno masigurado ti pondo para kadagiti serbisyo publiko ken development projects ti gobierno.
