Inawagan ni Vice Presidential Spokesperson Salvador Paolo Panelo Jr. a nasapa unay ken panangliklik laeng iti napapateg a banag dagiti patangan mainaig iti posible a sumukat ken ni Vice President Sara Duterte.
Segun ken ni Panelo, nasken nga ad-adda a pagpokusan ti panagbalin a patas ti Senate Impeachment Court, dagiti patangan iti due process ken ti panangibabawi ti proseksuyon kadagiti sumagmamano nga Articles of Impeachment.
Nadakamat pay ti resulta ti kaudian a resulta ti Social Weather Stations survey ta 28 a porsiento laeng kadagiti Pilipino ti agtaltalek a makairuar iti nainkalintegan a decision ti impeachment court, idinto a negatibo met iti pito a porsiento ti net trust rating na.
Impaganetget ni Panelo a nasken nga ad-adda a tutukan dagiti parikut kas ti nangato nga inflation, epekto ti Super El Niño, nabuntog a panagdur-as ti ekonomia ken ti kimmapsut a piso, imbes a ti patangan iti posible a panagsukat iti bise presidente.
