--Ads--
Luktan manen ti Commission on Elections (Comelec) ti voter registration inton Nobiembre 10 kas panagsagana para iti 2028 national and local elections, segun ken ni Comelec Chairperson George Garcia.
Agpaut ti panagrehistro agingga Hulio 30, 2027, para kadagiti baro a botante, dagiti mangyakar wenno mang-reactivate iti panagrehistroda, ken dagiti mang-update iti personal nga impormasionda.
Mapattapatta a 74 a milion a Pilipino ti maikari nga agbotos iti eleksion inton Mayo 2028, maibasar iti immun-una a pattapatta ti Comelec.
Namnamaen pay ti poll body ti maysa a milion pay a botante a maikari nga agbotos iti Barangay ken Sangguniang Kabataan Elections inton Nobiembre 2028.
-- ADVERTISEMENT --
