Inlibak ni Police Master Sergeant Aileen Jane Mendoza nga ammona a shabu ti linaon ti P3.5-B a kargamento a maipagarup a naipuslit manipud Laos nga agturong iti Pilipinas.
Kabayatan ti Senate Committee on Public Services hearing, inamin ni Mendoza nga isu ti agsapsapul iti eroplano a mabalin a maarkila para iti kargamento, ngem ti ammona ket vape ken sigarilio aleng ti kargana.
Segun ken ni Senador Raffy Tulfo, rumbeng met a maimbestigaran ni Police Colonel Joanna Zarcilla, a kinunana a saan nga imbaga ni Mendoza ti maipapan iti chartered flight, ken inrekomendana ti pannakasuspendena bayat nga agtultuloy ti imbestigasion.
Kabayatanna, binigbig ni Interior Secretary Jonvic Remulla ni dati a kameng ti Parlamento ti Bangsamoro a ni Edriezan Hadji Nasser Rimbang a maipagarup a politiko a nairaman iti gandat a panagipuslit iti droga, ngem inlibak ni Rimbang ti alegasion, idinto a naikkaten ni Mendoza iti puestona ken adda iti restrictive custody ti Aviation Security Group.
