--Ads--
Maysa a Pilipino ti karaman kadagiti nadunor iti panagdinnungpar ti dua a tren iti asideg ti Urda, Toledo sadiay Spain, segun iti Philippine Embassy ti pagilian.
Innayon ti embahada a nagsagrap ti Pilipino iti minor injuries ken naitaray iti ospital para iti pannakaagasna.
Agtultuloy met ti imbestigasyon ti embahada no adda dadduma pay a Pilipino a nairaman iti aksidente.
Kabayatanna, kinuna dagiti otoridad nga agarup 64 a tattao ti natay ken nasurok 100 ti nadunor iti panagdungpar dagiti high-speed train iti bagatan a paset ti Madrid, bayat a manamnama nga umadu pay ti bilang dagiti natay.
-- ADVERTISEMENT --
