Simmangpet dagiti sekretario ken ministers ti depensa manipud kadagiti pagilian a kameng ti ASEAN iti Mactan Expo idiay Lapu-Lapu City, Cebu para iti maika-20 nga ASEAN Defence Ministers’ Meeting wenno ADMM 2026.
Personal nga Inabrasa ni Department of National Defense Secretary Gilberto “Gibo” Teodoro Jr. Ni ASEAN Secretary-General Dr. Kao Kim Hourn ken dadduma pay a delegado manipud kadagiti pagilian a kameng ti ASEAN.
Naitampok iti nasao a panagtitipon ti diskusion dagiti 11 a pagilian a kameng ti ASEAN ken ti ADMM-Plus kadagiti kasosyo a pagilian kas iti Japan, Estados Unidos, Australia, India, New Zealand ken Russia.
Kabayatanna, ti laeng defense attaché ti nangibagi iti China iti ADMM-Plus meeting idi Oktubre 29, idinto a manamnama ti isasangpet ni US Defence Secretary Pete Hegseth idiay Cebu.
Kangrunaan a panggep ti dua nga aldaw a meeting ti panangpapigsa iti panagtitinnulong ti seguridad ken depensa iti Southeast Asia, pakairamanan ti panang taming kadagiti pangta iti rehion ken ti agtultuloy nga isyu iti West Philippine Sea.
