Manipud Nobiembre 1, 2026 agingga iti Enero 31, 2027, maiparit ti panagusar iti purse seine, ring net, ken bag net a pagkalap iti galunggong iti conservation area ti amianan a daya a Palawan.
Maitunos daytoy iti DA-DILG Joint Administrative Order No. 01, Series of 2015 tapno masalakniban dagiti yamang–dagat ti baybay iti rehion.
Kangrunaan a panggep daytoy a closed fishing season ket tapno maikkan dagiti galungong iti umdas a panawen tapno umadu ken agpaadu.
Daytoy ti manglapped iti sobra a panagkalap kadagiti kangrunaan a pagkalap iti pagilian.
Makatulong met ti direktiba iti pannaka taginayon ti nasalun-at nga ekolohia ken balanse iti taaw.
Manamnama ti nainget a panagbantay dagiti maseknan nga ahensia kadagiti apektado a lugar.
Maipalagip kadagiti mangngalap a surotenda dagiti pagannurotan tapno maliklikan ti pannaka dusa.
