Napapigsa ti seguridad idiay Central Visayas babaen iti panagideploy ti dandani 4, 000 a kameng manipud iti agduduma nga ahensia ti gobierno para iti 20th ASEAN Defense Ministers’ Meeting (ADMM) 2026.
Segun ken ni Police Lieutenant Colonel Rolan Aliser, spokesperson ti Police Regional Office-7 (PRO-7), mangrugi ti opisial a deployment ita nga aldaw, Oktubre 26 ken agtultuloy agingga Nobiembre 1 tapno masakupan dagiti operasion kalpasan ti summit.
Karaman iti maideploy a puwersa ti 2,312 pulis manipud iti PRO-7, 478 manipud iti Bureau of Fire Protection (BFP), 341 manipud iti Philippine Navy, 214 manipud iti Philippine Army, ken 60 manipud iti Philippine Coast Guard (PCG), kadua ti tulong ti BJMP, DOH, ken Office of Civil Defense.
Temporario a nasuspenso dagiti leave dagiti pulis ken naipasidong ti buo a puwersa iti heightened alert status tapno masigurado ti kinasagana iti taripnong a mapasamak manipud Oktubre 26 agingga 30.
