Nainget a pinaglibakan ni dati a kameng ti Parlamento ti Bangsamoro a ni Sultan Edrieza Nasser Rimbang dagiti alegasion nga isu ti mastermind iti P3.5-B a kargamento ti maipagarup a shabu a na-intercept idiay Laos ken maipagarup a naituding a maipuslit iti Pilipinas.
Segun ken ni Rimbang, awan ti pakainaiganna iti asinoman nga opisial ti gobierno wenno indibidual ditoy Pilipinas a napan idiay Laos wenno nairaman iti panaglako iti iligal a droga, ken nainget met nga inlibakna nga awan ti katulaganna iti asinoman iti likudan ti nasao nga operasion.
Pinaglibakan pay ni Rimbang dagiti alegasion nga isu ti nangpondo iti operasion, nga impaganetgetna nga awan ti umdas a kuarta a pangpinansia iti nadakamat a kargamento kalpasan a naabak iti napalabas nga eleksion ti Bangsamoro, iti kasta, kwinestyunaranna no sadino ti mapapati a naggapuan ti pondo a nausar para iti daytoy.
Innayonna pay dagiti report a naiwaras iti social media a pimmanaw iti pagilian tapno makalisi iti alegasion, ken impapilitna nga agtalinaed iti Pilipinas iti laksid dagiti espekulasion maipapan iti ayanna.
Inyunay-unay ni Rimbang nga awan ti aramidenna a mangrugit iti naganna ken mangikabil iti biag dagiti Pilipino iti peggad, gapu ta addan iti pannakilangenna kadagiti abogadona tapno adalen dagiti legal nga addang a mabalinna nga aramiden tapno madalusan ti naganna.
Impeksa pay ni Rimbang ti pannakaseknanna iti epekto ti alegasion iti pamiliana, nangruna kadagiti annakna, a mapaspasaranda ti bain ken buteng, isu a kiniddawna iti gobierno a saan a mangisilpo kenkuana iti kaso nga awan ti umdas nga ebidensia a maiparang iti publiko.
Iti sabali a bangir, innaig ni Rimbang dagiti alegasion iti panagbalinna nga alyado ti pamilia Duterte, ken impapilitna a saan a rumbeng a mairaman iti maipagarup a panagpuslit iti droga gapu laeng iti politika a suportana iti dati a presidente, ta agtultuloy ti panagimbestigar dagiti otoridad iti kaso kalpasan a nabigbigda a person of interest tapno mailasin dagiti responsable iti nadakamat a kargamento.
