--Ads--
Awan ti nadangran kalpasan a maiyabot ti pilid ti maysa a trailer truck iti kanal iti national highway ti Barangay Banaoang, Santa, Ilocos sur.
Ti nagmaneho ti truck ket maysa nga agtawen iti uppat a pulo ken residente ti B16 L3 Blessed Village, Sampaloc 2, Dasmariñas, Cavite.
Basar ti imbestigasyon, ti truck ket agturong iti amianan a direksion ket apaman a madanon na ti nakapasamakan ti insidente, partikular iti kurbada a paset ti kalsada, saan a natantsa ti drayber ti panagmaniobrana iti manibela gapu ta saanna a kab isado iti nasao a paset ti kalsada.
Mapapati pay nga adda sumungad a flat back truck manipod iti bangir a direksion a linisyan na a nangitunda iti pannakaiyabot ti pilid ti lugan na iti kanal.
-- ADVERTISEMENT --
