Maysa ti natay ken 527 ti nadunor gapu iti bagyo Champi idiay Taiwan, a nangitunda iti napigsa nga angin, napigsa a tudo, pannakatwang dagiti kayo ken pannakaputed ti suplay ti koriente kadagiti adu a pagtaengan.
Segun iti Central Weather Administration ti Taiwan, kimmapsuten ti bagyo kalpasan a nagbalin daytoy a super typhoon, ngem mangitunda latta iti angin a pasaray pumigsa iti agingga 126 kilometro kada oras.
Umabot met iti 167,000 a pagtaengan ti naawanan iti koriente, idinto a 242 a flight ti nakanselar gapu iti saan a nasayaat a paniempo.
Ti natay ket maysa a lalaki nga inyanud ti napigsa a dalluyon idiay Liuqiu Island, segun iti fire department ti Taiwan.
Agtultuloy met nga aggargaraw nga agpa-amianan ti bagyo nga agturong iti kabaybayan ti China ken manamnama nga agturong iti abagatan ti Japan.
