Panpanunuten ti Senado ti panangkissay ti nasurok-kumurang P2 bilyon iti gakat a national budget inton 2027 iti National Expenditure Program tapno mangkikeddeng ti pagtuladan ti fiscal discipline para iti Kamara, segun ken ni Senador Panfilo Lacson.
Pinasingkedan ti agpampanday linteg a mabalin daytoy a maaramid kasaruno ti decision ti Korte Suprema a nangideklarar a panaglabsing iti Konstituion ti sumagmamano a probision ti budget iti 2024 ken 2025.
Impaganetget ni Lacson a maipakita iti plano a panangkissay ti kari ti Senado kadagiti reporma iti panag-budget a saan a maapektaran dagiti operasion-na.
Kabayatanna, segun ken ni Lacson, saan a solusion ti panangisubli ti General Appropriations Bill (GAB) iti House of Representatives gapu ta posible laeng nga agresulta iti reenacted budget.
Pinasingkedan ni Lacson a nasaysayaat laengen nga agpatpatang dagiti agpampanday linteg tapno simpaen ti isyu iti Bicameral Conference Committee.
