--Ads--
Inlawlawag ni Solicitor General Darlene Berberabe nga awan ti aniaman iti desision ti Korte Suprema a mangikalikagum iti pannakaisubli dagiti pondo a nagastos a nasapa manipud kadagiti saan a naiprograma a pondo idi 2024 ken 2025.
Segun ken ni Berberabe, mabalin nga iyaplikar ti operative fact doctrine tapno mataginayon ti validity dagiti proyekto a naipatungpalen ken dagiti pondo a nausaren.
Innayon ni Berberabe a dagiti limitasion nga inkeddeng ti Korte Suprema ket agserbi a giya para iti ehekutibo ken Kongreso iti panangisagana kadagiti masanguanan a nasional a badyet tapno maliklikan ti maulit-ulit a panaglabsing iti Konstitusion.
