Kinondenar ni Senador Raffy Tulfo ti agtultuloy a panagado dagiti peke nga identification card para kadagiti Persons with Disabilities (PWD), nga us-usaren dagiti indibidual a saan a PWD tapno makaala iti 20 a porsiento a diskwento ken dadduma pay a benepisio a nai reserba para kadagiti addaan iti rangkap na.
Inyebkas ni Tulfo ti panang kondenar na kabayatan ti pannakadengngeg ti Senate Committee on Finance maibasar iti naisingasing a 2027 budget ti Department of Social Welfare and Development (DSWD) ken dagiti attached agencies-na iti Senado iti Siudad ti Pasay idi Miyerkules.
Impaganetget ti senador ti kasapulan a pannaka aksiyon ti pannakaabuso ti PWD ID system tapno masigurado a mapan dagiti diskwento ken benepisio kadagiti lehitimo a benepisyaryo.
Ti agtultuloy a panagusar kadagiti peke nga ID ket mangpataud iti buteng iti pannakaipatungpal dagiti benepisio a naramid a tumulong iti gastos ken inaldaw a kasapulan dagiti tattao nga addaan iti depekto.
